SuperDizionari

là che loc.coniun.

Cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton

sinonims

dulà che, li che, indulà che

esemplis

"ogni volte che o pues fâlu o scjampi a Zeà, tal paisut là che o soi nassût"

gjavât fûr di "Cjasute dai ricuarts" di Pieri Menis

""Dulà vâstu po, fantacine?" "No viodêso là che o voi? a passon""

gjavât fûr di "La fie e la fiastre" di Luigi Gortani

là che loc.coniun.

Ancje par introdusi une precisazion, une esplicazion

sinonims

dulà che, li che, indulà che

esemplis

"o sin rivâts a la religjon de vuere. Là che la vuere, che pûr no à mai risolt nuie ma dome semenât muarts e ruvinis, e ven considerade la uniche soluzion"

gjavât fûr di "La religjon de vuere" di Antoni Beline

là che loc.coniun.

Par introdusi une aversative

sinonims

li che, dulà che, intant che, invezit, impen, indulà che

esemplis

"la Bete i da un «mandi» tant che al ves di tornâ doi dîs dopo, là che invezit al sarès tornât vot mês dopo"

gjavât fûr di "Rosaris" di Meni Ucel

" cun di plui, là che une volte, cuntune monture si faseve dut e si leve pardut, vuê, invezit, la mode e à convint la int che, prime di dut al covente il vistît, la divise"

gjavât fûr di "I furlans e la mode" di Riedo Pup

monolengâl